Fréttasafn: 2010 (Síða 7)

Árið 2000 fékk prentsmiðjan GuðjónÓ fyrst leyfi til að merkja sína vöru með Svansmerkinu. Fyrirtækið er elsti leyfishafi Svansins á Íslandi. Á þeim 10 árum sem liðin hefur svansmerktum vörum farið fjölgandi og sífellt fleiri fyrirtæki sem bætast í hópinn.

Kaffitár hefur fengið vottun norræna umhverfismerkisins Svansins. Svandís Svavarsdóttir, umhverfisráðherra veitti Aðalheiði Héðinsdóttur vottunina við athöfn í ráðhúsinu föstudaginn 14. maí sl.

Nýsköpunarmiðstöð Íslands, Rannís, Samtök iðnaðarins og Útflutningsráð ásamt hátækni- og sprotavettvangi standa að kynningarfundi um stuðning við nýsköpun á Íslandi á Grand Hótel 26. maí kl. 8.45 - 12.00.

Sameining ráðuneyta sem sinna málefnum atvinnulífsins er fagnaðarefni og í samræmi við stefnu Samtaka iðnaðarins til margra ára. Ekki er þó sama hvernig er að verki staðið og þar skortir talsvert á af hálfu ríkisstjórnarinnar.

Íslenska nýsköpunarfyrirtækið Sif Cosmetics kynnti í gær EGF BIOeffect^TM húðdropa sem eru byltingarkennd nýjung á snyrtivörumarkaði. Droparnir innihalda svokallaðan frumuvaka sem hvetur endurnýjun húðfruma og spornar gegn öldrun húðarinnar.

Samkeppniseftirlitið efnir til opins morgunfundar um yfirtöku banka á fyrirtækjum fimmtudaginn 20. maí kl. 8:30-9:50 Hilton Reykjavík Nordica. Formaður SA, Vilmundur Jósefsson, er meðal frummælenda, og mun hann fjalla um aðkomu bankanna að endurskipulagningu fyrirtækja og hlutverk Samkeppniseftirlitsins.

Í tilefni 20 ára afmælis Kaffitárs nú í ár bauð fyrirtækið til afmælishátíðar í öllum kaffihúsum þess laugardaginn 8. maí. Boðið var upp á Brasilíukaffi og gómsæta súkkulaðiköku ásamt spennandi heimskaffistemmingu.

Samtök iðnaðarins hafa talið ónýttar nýjar íbúðir sem eru fokheldar eða lengra komnar á höfuðborgarsvæðinu og eru þær 1635. Í fjölbýli eru 1179, par-og raðhús eru 303 og einbýlishús 153.

Dagur upplýsingatækninnar 2010 sem haldinn verður 20. maí kl. 10:30 til 17:00 í Salnum í Kópavogi en þar munu m.a. margir félagsmenn SUT og SI taka til máls ásamt því sem Upplýsingatækniverðlaunin verða veitt í fyrsta sinn.

Í erindi sínu á Útflutningsþingi í gær sagði Bjarni Már Gylfason, hagfræðingur SI, hlutfall utanríkisviðskipta af landsframleiðslu á Íslandi væri lágt í alþjóðlegu samhengi á meðan smáríki í Evrópu væru mörg hver með tvöfalt hærra hlutfall. Bjarni segir að Ísland sé frábrugðið öðrum smáríkjum í Evrópu að því leytinu til að atvinnu- og útflutningsiðnaður okkar byggir að takmörkuðu leyti á innflutningi íhluta og hráefna til fullvinnslu.

Fyrirtækið Nox Medical ehf. hlaut í morgun Vaxtarsprotann 2010 sem er viðurkenning fyrir öfluga uppbyggingu sprotafyrirtækis. Fyrirtækið meira en tífaldaði veltu sína milli áranna 2008 og 2009 úr 16,5 m.kr í um 175 m.kr. Fyrirtækin Hafmynd, Menn og Mýs og Valka fengu einnig viðurkenningar fyrir góðan vöxt á síðasta ári.

Seðlabankinn lækkaði í morgun vexti um 0,5 prósentur. „Ég átti von á aðeins meiri lækkun“, segir Bjarni Már Gylfason hagfræðingur SI og bætir við að allar forsendur séu fyrir myndarlegri vaxtalækkun.

Capacent Gallup gerði launakönnun fyrir FBM og SI á tímabilinu 4. - 16. mars 2010 með það að markmiði að kanna laun og starfskjör félagsmanna í Félagi bókagerðarmanna.

Íslenskt atvinnulíf efnir til Útflutningsþings fimmtudaginn 6. maí á Hilton Reykjavík Nordica kl. 8:30-13:00 en bakhjarlar þingsins eru Samtök atvinnulífsins, Útflutningsráð Íslands og Íslandsbanki. Þar verða kynnt sóknarfæri í útflutningi og leiðir inn á nýja markaði ásamt því sem birtar verða upplýsingar um stöðu útflutnings í dag.

Myndbandsupptökur af erindum Stefáns Hauks Jóhannessonar og Svönu Helenar Björnsdóttur á Evrópufundi SI 14. apríl sl. eru komnar á vefinn. Tilgangur fundarins var að ræða um samningaviðræður Íslands og ESB um aðild Íslands að ESB. Stefán Haukur greindi frá samningaferlinu og Svana Helen sagði frá ferð sem hún fór til Brussel ásamt 12 öðrum frumkvöðlum.

Vaxtarsprotinn árið 2010 verður veittur við hátíðlega athöfn í Grasagarðinum í Laugardal 5. maí næstkomandi klukkan 8:30. Tilgangurinn með Vaxtarsprotanum er að vekja athygli á góðum árangri sprotafyrirtækja í örum vexti og skapa um leið aukinn áhuga og skilning á uppbyggingarstarfi þessara fyrirtækja.

Samtök iðnaðarins og Stjórnvísi standa fyrir morgunverðarfundinum Nýsköpun og sjálfbærni 29. apríl, kl. 8.15-9.30 í Borgartúni 35, 6. hæð. Erindi flytur Rögnvaldur Jóhann Sæmundsson dósent og forstöðumaður Rannsóknarmiðstöðvar HR í nýsköpunar- og frumkvöðlafræðum.

Matvælaöryggisstofnun Evrópu hefur lagt mat á hugsanlega hættu á mengun matvæla af völdum öskufalls frá eldgosinu í Eyjafjallajökli að beiðni framkvæmdastjórnar Evrópusambandsins. Niðurstaða er að almennt skuli ekki hafa áhyggjur af heilsu manna eða dýra af völdum öskufallsins.

Nýsköpunarfyrirtækið ORF Líftækni hyggst í sumar tvöfalda ræktun sína á erfðabreyttu byggi til að anna aukinni eftirspurn eftir afurðum fyrirtækisins. Í sumar mun hluti byggræktunar fyrirtækisins fara fram í 2500 fermetra gróðurhúsi að Kleppjárnsreykjum í Borgarfirði.

Mannréttindadómstóll Evrópu (MDE) kvað upp dóm um lögmæti iðnaðarmálagjalds í morgun. Dómstóllinn komst að þeirri niðurstöðu að lögin um iðnaðarmálagjaldið stæðust ekki ákvæði Mannréttindasáttmála Evrópu. Niðurstaðan eru Samtökum iðnaðarins vonbrigði.