Fréttasafn: 2014 (Síða 7)

Um 9 þúsund manns mættu á opið hús UT messunnar laugardaginn 8. febrúar. Ríflega 850 manns voru á ráðstefnu UTmessunnar sem haldin var á föstudeginum og tókst gífurlega vel.

Útboðsþing Samtaka iðnaðarins verður haldið á Grand Hótel Reykjavík föstudaginn 14. febrúar kl. 13.00 - 16.30. Á þinginu verður gefið yfirlit yfir helstu útboð opinberra aðila á verklegum framkvæmdum.

Föstudaginn 27. febrúar sl. stóðu Ljóstæknifélag Íslands og Samtök rafverktaka fyrir málþingi um lýsingarhönnun í þéttbýli í Tjarnarbíói. Á sama tíma voru innflytjendur ljósabúnaðar með vörusýningu í Ráðhúsi Reykjavíkur. Atburður þessi var hluti af Vetrarhátíð í Reykjavík 2014.

Region Midtjylland hefur undirritað samning við ICEconsult um notkun á fasteigna og aðstöðukerfinu MainManager. Kerfið verður notað til að hagræða og halda utanum rekstur og viðhald á eignasafni Region Midtjylland, sem telur yfir 1.200.00 fermetra.

Rakel Sölvadóttir, stofnandi Skemu, hlaut verðlaunin „Skapandi ungir frumkvöðlar“ sem JCI á Íslandi veitti í fyrsta sinn í síðustu viku. Verðlaunin afhenti Ragnheiður Elín Árnadóttir viðskipta- og iðnaðarráðherra við hátíðlega athöfn í húsakynnum Arion banka við Borgartún.

Föstudaginn 14. febrúar efnir Litla Ísland til morgunfundar í Húsi atvinnulífsins. Þar verður greint frá niðurstöðum stefnumótunarfundar Litla Íslands sem fram fór í nóvember og farið yfir starfið næstu vikur og mánuði. Ný verkefnastjórn Litla Íslands verður kynnt til leiks ásamt þjónustu sem litlum fyrirtækjum innan Samtaka atvinnulífsins og aðildarsamtaka stendur til boða.

Vetrarhátíð Reykjavíkur verður sett þann 6. febrúar og stendur til 15. febrúar. SART og Ljóstæknifélagi Íslands standa fyrir málþingi um lýsingarhönnun í þéttbýli í Tjarnarbíói, föstudaginn 7. febrúar.

UTmessan 2014 felur í sér marga spennandi viðburði en tilgangur hennar er að sýna hve stór og fjölbreyttur tölvugeirinn á Íslandi er. Föstudaginn 7. febrúar verður haldin ráðstefna og sýning fyrir fagfólk og laugardaginn 8. febrúar verður sýning og fræðsla með margs konar viðburðum fyrir alla aldurshópa.

Bændasamtök Íslands, Samtök atvinnulífsins og Neytendasamtökin hafa skrifað undir „sáttmála um upprunamerkingar á matvælum“ þar sem kveðið er á um vilja þeirra til að standa saman að bættum upprunamerkingum. Samtökin telja það sjálfsögð réttindi neytenda að vita hvaðan maturinn þeirra kemur.

Samtök iðnaðarins ásamt sjö atvinnulífssamtökum í húsi atvinnulífsins efna til Menntadags atvinnulífsins mánudaginn 3. mars. Á menntadeginum verða Menntaverðlaun atvinnulífsins veitt í fyrsta sinn til fyrirtækja sem hafa staðið sig vel á sviði fræðslu- og menntamála. 

Frumkvöðlakeppnin Gulleggið er farin af stað í sjöunda sinn. Gulleggið er frábært tækifæri fyrir frumkvöðla til að koma hugmyndum sínum á framfæri og fá aðstoð við að stofna fyrirtæki.

Samtök iðnaðarins hafa tekið saman yfirlit yfir nýsamþykktar breytingar á lögum sem SI hafa látið sig varða.

Sveinn Margeirsson forstjóri MATÍS og Vilhjálmur Egilsson rektor Háskólans á Bifröst skrifuðu nýlega undir samning þess efnis að MATÍS sjái um kennslu og uppbyggingu námsgreina í matvælarekstrarfræði, nýrri námslínu sem verður í boði í Háskólanum á Bifröst frá og með næsta hausti. 

Aðilar vinnumarkaðarins hafa brugðist illa við hækkunum sem birgjar hafa boðað á vörum sínum. Svana Helen Björnsdóttir, formaður SI segir samstöðu mikilvæga og ekki einungis hægt að leggja það á launafólk að halda verðbólgunni niðri.

Nú í ársbyrjun 2014 eru 20 ár liðin frá því Íslendingar gerðust aðilar að Evrópska efnahagssvæðinu (EES). Svana Helen Björnsdóttir, formaður SI fjallar um EES samninginn og samkeppnishæfni íslensks iðnaðar í vefritinu Kjarnanum.

Íslandsmót iðn- og verkgreina verður haldið í Kórnum í Kópavogi  6. – 8. mars 2014 og er keppnin sú stærsta til þessa. Framhaldsskólar landsins taka þátt í mótinu og verða með kynningu á starfsemi sinni. Foreldrar og forráðamenn eru hvattir til að nýta þetta einstaka tækifæri og mæta með börnum sínum til að kynna sér fjölbreytt námsframboð.

RÚV hefur gert sjónvarpsþátt um Boxið - framkvæmdakeppni framhaldsskólanna, sem haldin var í nóvember síðastliðnum. Í þættinum keppa 8 framhaldsskólar til úrslita en 18 lið tóku þátt í forkeppninni. Þátturinn verður á dagskrá á RÚV næsta fimmtudag, 9. janúar kl. 20.

Andri Þór Guðmundsson, forstjóri Ölgerðarinnar Egils Skallagrímssonar og Októ Einarsson, stjórnarformaður Ölgerðarinnar, sem fagnar 100 ára afmæli sínu á þessu ári, fengu í dag Viðskiptaverðlaun Viðskiptablaðsins fyrir árið 2013.

Vinnustaðanámssjóður veitir styrki til fyrirtækja og stofnana vegna vinnustaðanáms og starfsþjálfunar sem er skilgreindur hluti af starfsnámi samkvæmt aðalnámskrá framhaldsskóla. Umsóknarfrestir eru tvisvar á ári.