Fréttasafn (Síða 258)
Fyrirsagnalisti
Verksmiðja Carbon Recycling í Svartsengi opnuð
Metanólverksmiðja Carbon Recycling í Svartsengi var opnuð formlega sl. fimmtudag við hátíðlega athöfn í Eldborg. Framleiðsla hófst í nóvember í fyrra og hefur verið unnið að endurbótum á verksmiðjunni. Reiknað er með að hún komist í full afköst í vor og geti þá framleitt tvær milljónir lítra af metanóli á ári miðað við núverandi vetnisframleiðslu.
Samtök iðnaðarins óska eftir tilnefningum til Vaxtarsprota ársins
Frestur til að skila tilnefningum til forvals er til mánudagsins 23. apríl nk. Þau fyrirtæki sem komast í gegnum forvalið þurfa síðan að skila staðfestingum endurskoðanda um þau atriði sem fram koma í viðmiðum dómnefndar fyrir 28. apríl nk.
Metþátttaka á Seed Forum Iceland
Fimm íslensk sprotafyrirtæki, tvö norsk fyrirtæki og eitt sænskt/breskt fyrirtæki kynntu sig fyrir fjárfestum á Seed Forum Iceland. Aðalræðumaður þingsins var Joachim Krohn-Høegh, framkvæmdastjóri Argentum, sem er stærsti áhættufjárfestingarsjóður á Norðurlöndum með eignasafn sem er rúmlega 150 milljarða króna virði.
Meistarafélag iðnaðarmanna í Hafnarfirði mótmælir lokun á jarðvegstipp
Meistarafélag iðnaðarmanna í Hafnarfirði - MIH hefur sent bæjarstjórn Hafnarfjarðar bréf þar sem mótmælt er lokun á jarðvegstipp. Nýr jarðvegstippur er nú við Litlu kaffistofuna. Að mati MIH mun þetta hafa mikinn kostnaðarauka í för með sér fyrir alla þá sem standa í hvers konar framkvæmdum.
Samstarfsverkefni íslenskra hönnuða og álframleiðenda í Svíþjóð
Samtök iðnaðarins, Samál, Hönnunarmiðstöð Íslands hafa gert samning við sænska álframleiðendur um fyrsta hluta þróunarverkefnis á milli íslenskra hönnuða og sænskra álframleiðenda, sem snýr að vinnustofu „workshop“ fyrir valda hönnuði og fer fram í Svíðþjóðí 21.- 27. apríl n.k.
RemindMe sigrar Gulleggið 2012
Sprotafyrirtækið RemindMe sigraði í frumkvöðlakeppni Innovit, en lokahóf keppninnar fór fram sl. laugardag. Um er að ræða viðskiptahugmynd fimm verkfræðinema á lokaári við Háskóla Íslands.Verkfræðinemarnir fimm eru Ingunn Guðbrandsdóttir, Hildigunnur Björgúlfsdóttir, Ólafur Helgi Guðmundsson, Sveinn Bergsteinn Magnússon og Vaka Valsdóttir.
Mysuklakinn Íslandus: frumlegur, umhverfisvænn og bragðgóður
Elín Agla Briem og Sigríður Anna Ásgeirsdóttir, nemendur í umhverfis- og auðlindafræði við Háskóla Íslands báru sigur úr býtum í keppni um hönnun nýstárlegrar og umhverfisvænnar matvöru.
Þróun gengis og verðlags áhyggjuefni
Frá ársbyrjun hefur gengi evru hækkað gagnvart krónu um rúm 6% og kostar nú 169 krónur. Verðlag í mars hækkaði um 1% og er verðbólgan komin í 6,4%. Bjarni Már Gylfason, hagfræðingur SI, segir þessa þróun vera mikið áhyggjuefni.
Sparað til tjóns
Stjórnvöld eru að valda stórkostlegu tjóni á vegakerfi landsins með fáheyrðum niðurskurði sem á sér ekki sinn líka síðan farið var að leggja vegi hér á landi. Sigþór Sigurðsson, formaður Mannvirkis skrifaði grein í Fréttablaðið í gær þar sem hann segir framlög til viðhalds komin niður fyrir helming af því sem eðlilegt var talið um áratuga skeið.
Tækniþróunarsjóður skipt sköpum fyrir mörg fyrirtæki
Þórður Magnússon, stjórnarformaður Eyris Invest og Marorku, segir að ýmislegt hafi verið vel gert hér á landi varðandi nýsköpun, t.d. hafi Tækniþróunarsjóður skipt sköpum fyrir mörg fyrirtæki og fjárfestingar hans margborgað sig. Þetta er meðal þess sem kemur fram í ítarlegu viðtali við Þórð í viðtalsþættinum Klinkinu, sem aðgengilegur er á viðskiptavef Vísis.
Evrópumál rædd á félagsfundi SI
Á félagsfundi Samtaka iðnaðarins í morgun var rætt um Evrópumál. Á fundinum kynnti Vilborg Helga Harðardóttir nýja og ítarlega könnun meðal félagsmanna SI um afstöðu til Evrópumála. Auk þess hélt Kristján Vigfússon, aðjúnkt við HR erindi um stöðu umsóknarferlisins, stöðu og þróun ESB og stöðu Íslands.
ORF Líftækni eykur hlutafé um 300 milljónir
ORF Líftækni hefur nú lokið hlutafjáraukningu upp á 300 milljónir króna í samstarfi við Arctica Finance. Fjórtán innlendir og erlendir fjárfestar tóku þátt í hlutafjáraukningunni og var umframáskrift 13,7%. Fjármagnið hyggst ORF Líftækni nýta til áframhaldandi uppbyggingar á framleiðslu fyrirtækisins og til aukins markaðsstarfs erlendis.
Staða og horfur í umsóknarferli að ESB
Samtök iðnaðarins boða til félagsfundar um Evrópumál fimmtudaginn 29. mars kl. 08:30-10:00 á Hilton Reykjavík Nordica hóteli. Á fundinum verður kynnt ný og ítarleg könnun meðal félagsmanna SI um afstöðu til Evrópumála auk þess sem rýnt verður í stöðu og horfur í umsóknarferlinu.
The Future is Bright
Tölvuleikjageirinn á Íslandi veltir 50 milljónum evra (8,3 milljörðum íslenskra króna) og það vinna við hann um 500 manns á landinu. Þetta er meðal þess sem kom fram á ráðstefnu IGI, samtaka íslenskra tölvuleikjaframleiðenda, sem haldin var í Hörpu sl. fimmtudag samhliða EveOnline fanfest.
BIM – Frá hönnun til framkvæmdar
Mikill áhugi var á kynningarfundi um notkun BIM líkana í mannvirkjagerð sem haldinn var sl. fimmtudag. Verktakar og hönnuðir fylgdust með af athygli þegar sérfræðingar á sviði BIM kynntu hugmyndafræði hinnar nýju aðferðarfræði.
Upplýsingalíkön mannvirkja er íslenska heitið á hugtakinu Building Information Modeling eða BIM.
Tíu viðskiptahugmyndir keppa til úrslita um Gulleggið
Í dag varð ljóst hvaða tíu viðskiptahugmyndir keppa til úrslita í frumkvöðlakeppni Innovit, Gullegginu 2012 en 224 hugmyndir hófu keppni í janúar. Teymin að baki þessum tíu hugmyndunum munu kynna þær frammi fyrir yfirdómnefnd keppninnar í úrslitum sem fram fara 31. mars næstkomandi.
Framkvæmdir við álverið í Straumsvík að fara á fullt – Skortur á málmiðnaðarmönnum
Rannveig Rist, forstjóri Alcan á Íslandi segir í viðtalið við Morgunblaðið í gær að straumhækkunarverkefnið sé orðið mjög viðamikið og vinnustundir í því orðnar vel á aðra milljón. Hún segir einn hluta verkefnisins kalla á um 300 málmiðnaðarmenn og auki kalli aðrir hlutar á um 250 starfsmenn á þessu ári við uppsetningar á vélum, tækjum og þessháttar.
Seðlabankinn hækkar vexti
Seðlabankinn ákvað í morgun að hækka vexti um 0,25 prósentur. Bjarni Már Gylfason, hagfræðingur SI, segir að þetta séu mikil vonbrigði en að við þessu hafi verið búist. „Vonbrigðin eru fyrst og fremst þau að við skulum vera missa verðbólguna úr böndunum og Seðlabankinn sjái sig knúinn til að hækka vexti til að bregðast við.
Hönnunarmars 2012
HönnunarMars fer fram í fjórða skiptið, dagana 22. - 25. mars 2012. Frá upphafi hafa það verið íslenskir hönnuðir sem bera hitann og þungann af dagskrá hátíðarinnar sem spannar langa helgi og býður til ótal viðburða, innsetninga og sýninga.
The Future is Bright
IGI – Samtök íslenskra leikjaframleiðenda standa ásamt CCP, GOGOGIC, Íslandsstofu, Microsoft, Samtökum iðnaðarins og Símanum fyrir ráðstefnunni The Future is Bright nk. fimmtudag, 22. mars.
Síða 258 af 287